Serendipity - Poetry, Articles and Life Stories

Aaj is aakhiri raat par,  Un sab raaton ka shukriya,  Jab jab tumne mujhe khud ko pyaar karne diya,  Un sab raaton ka shukriya,  Jo tumhare khwaab le kar soyi,  Un sab raaton ka shukriya,  Jab tumhe dekhte dekhte mujhe neend aa gayi,  Un sab raaton ka shukriya,  Jo tumhe agle din Milne ki ummeed se kati,  Un sab raaton ka shukriya,  Jo Maine tum bin tum sang rehne ko kaati,  Un sab raaton ka shukriya,  Jo tumhari meri zindagi mein hone se jaagi,  Un sab raaton ka shukriya,  Jab tum dur ho kar bhi mere thhe,  Un sab raaton ka shukriya,  Jab vaade sapne iraade sirf tum se thhe.  Medhavi 29/01/24

Mujhe tum phir mat dhoondhna... Us kitaab mein dabe sookhe gulaab ki dhool mein,  Us puraane jacket ki jeb ki ched mein fanse bees ke sikke mein,  Us behetreen gaane ke sabse dard bhare lafz mein,  Apne kamre ki daraaj mein padde us puraane khat mein,  Tumse Milne Wale har ek shaqs mein,  Apni mohabbat paane ki sarhad mein... Shayad phir tum padhoge mere likhe afsaane,  Sunoge mere recorded baatein aur anginat gaane,  Shayad mere ghar ke saamne tumhare kadam ruk jaayenge kabhi kabhi,  Toh kabhi mere naam se kisi ko bulaane ki karoge galti... Par mujhe bhool jaana.  Kyunki yaad rakhne ki baatein saikaron hongi,  Par sach yahi rahega ki hamari manzilein juda hongi... Toh mujhe tum phir mat dhoondhna,  Kyunki shayad Jo hum mein tha, woh kaafi nahin tha,  Aur Jo chahat thi, woh hum mein ek si nahin thi,  Bas yeh soch kar mujhko apne khayalon se jaane dena,  Phir se mohabbat ko apni taqdeer par muskuraane dena...  Med...

A fresh story.. by me Loving you wasn't a choice, it just occured to me. I wanted to look beyond the reality, I wanted to accept the flaws, but I just closed my eyes. I just covered my eyes with the translucent layer of your love that just made me see the partial truths in life. I fell in love with you and it couldn't be helped. There were times when I knew that you were not meant for me, there were times when I wanted to just look through the paused blurs between the translucent layers, but I just looked inside myself n found peace n happiness, so just preffered to love and get loved by you. There were times when you hurt me, physically n mentally, but I didnt give up. I made a choice to try till the end and I did. I knew that the end was near, I knew that we had to part ways, but I believed that it will happen at the right time, in the right way. How could I forget that it was me who covered my eyes, you could see it all. One day you just woke up and made up your mind, you we...

Kho diya hai khud ko Tujhe dhundhte dhundhte Bhatak gayi hun kuch main Tera pata puchte puchte Jal gaye khwaab mere Tere khwaab poore karte karte Kuch chhil gayi ungliyaan Tera haath pakde pakde Kuch chhil gaye talve Tere saath chalte chalte Saare bandhan khud se hi todd aaye tere sahaare Tune bhi haath chhuddaa liya toh hum jaate kahan pe Kuch toot gaye hum kuch khwaabon ne jodd liya Kuch choott gaye bhram peeche ki haqeeqat ne jhanjhodd diya Kuch mar gaye kuch jee gaye Zeher jaan kar ishq pee gaye Phir hans bhi diye khud par Aur ro bhi liye akele... Medhavi

Ek shaqs tha jisse mere hansne ki aawaaz behadh pasand thi,  Woh aksar aadhi tedhi baatein kar mujhe hasaaya karta tha,  Kabhi jab chalte chalte hamare haath choo jaate, Toh jaise uska zarra zarra jam jaata tha,  Raaste kuch yun badle ki hum jab miley ek arse ke baad,  Toh na usmein woh pagalpan tha,  Aur na mere chehre par hansi thi,  Bas khoye huye rishton ka ghum tha,  Aur muskurahat ki peeche behadh maayusi thi... Medhavi  28/11/23 

Kuch ghum ki parchaayi tum par bhi paddi Hum par bhi paddi Kuch dard ki chingaariyaan tumhe bhi jala gayin Humein bhi sulgaa gayin Kuch ashqon ki nami ne tumhe bhi bhigaaya Humein bhi sataaya Sab dil mein utarte jazbaaton ko chhoot-te tumne bhi dekha humne bhi dekha Sab bandhi ummeedon ko toot-te tumne bhi dekha Humne bhi dekha Bas fark itna raha Ki hamara saath na thha Koi aur hamare tha saath khadda Ek sa ghum Ek sa dard Ek sa dhokha Ek sa samjhauta Hum kar aaye khud se aur unse Aur phir hum tum miley bahut kismat se Waqt laga khwaabon ko ek sa karne mein Waqt laga sawaalon ko sulajhne mein Aur ek din humko phir pyaar ho gaya Ek aadhe adhoore shaqs se Tum se...humko pyaar ho gaya Ummeedein bandhti kaise Saari pehle se tooti thhi Neendein khwaabi hoti toh kaise Haqeeqat hi itni jhooti thhi Phir bhi aitbaar karne lage hum Tumse pyaar karne lage hum Shaam savere tujhse juddne lage Aadaton ke tevar badalne lage Neend ko bhi teri aadat si hone lagi Aur ek dor phir khwaab pirone lagi Hum t...

Neend Badda be - khauff hai dard yeh, Bin dastak aa jaaya karta hai, Ashqon ke libaas odh yeh, Din raat jagaaya karta hai... Aise mein jab Zara si khushi, Parchaayi mein bhi dhundhlaati hai, Ruk jaati hain saansein ab, Jab zindagi yeh muskuraati hai... Aadatein tanhaayiyon ki ab, kisi ke saath ki mohtaaj nahin, Jab aati hain liye koi vaada, toh dil kehta hai aaj nahin... khaamoshi ki lau mom se choo kar Zara si ladkhadaati hai, Jab koi haath pakadta hai toh saath chhootne ka darr badhaati hai, Guzra hua waqt jo ab tak beeta nahin, Usmein thamme huye toote vaadon ki yaad dilaati hai... Ab tum ho zindagi mein toh neend aane se ghabraati hai, Yeh haqeeqat badal Na jaaye kal iss darr mein raat bitaati hai, Neend aa jaaye toh phir khwaab dekhne se bhi ghabraati hai, Yeh khwaab Na toot jaaye iss darr mein kahan neend aati hai.... Medhavi