duvidha🌸
Tum woh khwaab ho, Jisse main khuli aankhon se dekhti bhi hun, Aur har din toot-te huye mehsoos bhi karti hun... Tum woh ummeed ho, Jisse main khud se nazar bacha kar rakhti hun, Niraash ho kar bhi, phir se dil mein bharti hun... Tum meri woh pasand ho, Jisse har dusre din main khud se sawaal karti hun, Kabhi hans ke toh kabhi ro kar khud ko behaal karti hun... Tum woh Humsafar ho, Jo der saver saath yun hi chodd deta hai, Phir laut kar zindagi ki raah modd deta hai... Takleef hogi, yeh pakka hai, Dil tootega, jazbaat bikhrenge, Yeh bhi pata hai, par, Tum woh duvidha ho, Jismein rehna mujhe achcha nahin lagta, Par jisse pyaar karne se mera dil nahin thakta...