bewaffai 🌸
Bewaffai bahut chote kisson se hoti hai, Yeh sirf kisi dusre shaqs ko apne kareeb aaneya jaane tak seemit nahin hoti, Har woh jhooth bewaffai hai jo do logon ke beech aaye, Har woh cheez bewaffai hai jo chupaani padd jaaye, Chahe woh koi mulaaqaat ho ya text message, Hadh se badhi huyi koi baat ho ya emotional baggage, Woh attention ho jo sirf ek shaqs ke liye hoti hai, Ya ek pal ki kamzori jo shayad asal mein maayeene nahin rakhti hai, Bewaffai bahut subjective hai, Ismein bahaane nahin hote, Aur mohabbat bahut simple, kyunki, Usmein haq jataane nahin paddte, Isliye ek zara si chot faaslon ki wajah ban jaati hai, Ek ankaha dard juda hone ki saza ban jaati hai, Toh agli baar kisi teesre shaqs ke wajood banne se pehle, Khud se poocha ki yeh jagah tumne banne kyun di, Aur mohabbat karna toh poore imaan se karna, Kyunki zindagi mein aadhi cheezein toh jhoothi hi hain, Aadhi adhoori mohabbat karne ka kya faayada. - Medhavi