Humne bahut intezaar kiya🌸
Humne bahut intezaar kiya, Tumhare saath reh kar, tumhare saath ka, Tum jo na keh sake, us har ek baat ka... Lafzon se pare, tumhare pyaar ki hadh ka, Jo tum likh na sake, us har ek khat ka... Tumhare khaas logon mein, apni ginti ka, Tumhe apni zindagi mein shaamil karne ki vinti ka... Tumhari us ek nazar ka, jisse tum gairon ko dekhte ho, Tumhari zindagi mein us jagah ka, jispe tum gairon ko rakhte ho... Tumhare haathon ki lakeeron ki garmi ka, Tumhari saanson mein ghulti apni narmi ka... Par tum na aaye, Humne bahut intezaar kiya, Shayad itna hi tha taqdeer mein, Toh humne bas, bahut intezaar kiya. - Medhavi Oct 8' 2022