appeal sher🌸
Humne dil ko behlaaya bahut, Aankhon ko thakaaya bahut, Par khayaalon ne daraana na chodda, Humne khud ko samjhaaya bahut. Har raat kaatne ko daudne lagi, Buri yaadein zehen mein lautne lagi, Khud se khauff sa lagne laga, Dard ka dariya aankhon mein bharne laga. Khayaal aaye bahut se khud ko saza dene ke, Ek aur mauka nahin, khud ko ek daga dene ke, Par kisi na kisi wajah ne rok liya, Guzre achche waqt ne bahaane se tok diya. Par shayad kal yeh bahaana na chale, Khud se shayad khud ko dil bacha na sake, Isliye agar koi in lafzon mein chupe sannatte sun sake, Toh bas baat karne ki ek pahal zarur kare. Kyunki log sochte Hain ki kisi shaqs ke paas, Shayad lakhon hain baat karne ko, Par asal mein kayi baar sabse tanha woh shaqs hi hota hai. - Medhavi 25/09/23