shayari

[12/08, 3:31 am] Dr. Medhavi: Kyun jodte ho tum toote tukde mere dil ke, 
Ijaazat toh maine tumhe apne dil mein jhaankne tak ki na di thi. 

- Medhavi

Aaj tumhe mehsoos kiya meri rooh ne, 
Aur phir suna tumse hi, 
Ki hamara saath mumkin nahin. 

- Medhavi

[12/08, 3:32 am] Dr. Medhavi: Na intezaar tha, na ummeed thi, 
Phir bhi aisa lamha tu de gaya mujhe, 
Jo tere jaane ke baad bhi guzarta nahin. 

- Medhavi
[12/08, 3:36 am] Dr. Medhavi: Main bahut koshish karti hun, 
Tumhare Ishq mein na paddne ki, 
Aur phir tum muskura dete ho. 

- Medhavi
[12/08, 3:38 am] Dr. Medhavi: Main ab bhi giraftaar hun teri us ek nigaah mein,
Jo be-takalluff tune mujhe shayad khairaat mein di thi. 

- Medhavi
[12/08, 3:39 am] Dr. Medhavi: Na-ummeed Dil ki gustaakhi toh dekho, 
Tumhe dekh har nazar yeh ek naya khwaab bunta hai . 

- Medhavi
[12/08, 3:40 am] Dr. Medhavi: Na tootne ka khauff hai, 
Na phir bhikharne ka ghum hai, 
Bas ek afsos hai itna sa, 
Ki tere saath guzra waqt bahut kam hai. 

- Medhavi
[12/08, 3:42 am] Dr. Medhavi: Main puchti hun bahut kuch, 
Tumhare jawaab adhoore hote hain, 
Phir bhi sirf dekh ke tum ko, 
Mere khwaab poore hote hain. 

- Medhavi
[12/08, 3:43 am] Dr. Medhavi: Samajh na samjhi kuch, 
Aaj jab tum paas aaye, 
Meri aankhein bandh thi, 
Kuch is tarah mere zakhm muskuraaye. 

- Medhavi
[12/08, 3:44 am] Dr. Medhavi: Meri ungliyaan tere haathon ka raasta bandh aankhon se bhi dhoondh leti hain, 
Phir samajh yaad dilaati hai, 
Ki tu meri takdeer mein nahin. 

- Medhavi
[12/08, 3:45 am] Dr. Medhavi: Tumhe yaad kar rahi hun, 
Yun hi bas likh rahi hun, 
Par ek Darr bhi hai mujhe, 
Ki meri yeh bewakoofi, 
Tumhe mujhse dur na kar de. 

- Medhavi
[12/08, 3:46 am] Dr. Medhavi: Tum yeh shayari meri shayad kal subha padhoge, 
Kitna bhi jhuthhla do, 
Saare din mere baare mein hi sochoge. 

- Medhavi
[12/08, 3:47 am] Dr. Medhavi: Aaj meri ungliyaan, 
Tere tasavvur par meherbaan hain, 
Likh rahi hain afsaane woh, 
Jinki koi manzil nahin hai. 

- Medhavi
[12/08, 3:48 am] Dr. Medhavi: Tujhe khone paane ke khauff se pare hai, 
Mera ishq tere saath guzaare lamhon mein hi mukammal hai. 

- Medhavi

Comments

Post a Comment

Popular posts from this blog

oas 🌸

Guzre huye lamhon ki oas, Aaj aayeene par jami huyi dekhi,  Gire huye do chaar lafz,  Aur bhulaayi huyi yaadein,  Kuch puraani tasveerein,  Aur dohraayi huyi baatein,  Ehsaas ajnabee to ho Gaye,  Par paraaye nahin,  Mulaaqaat to kehne ko ho gayi,  Par woh laut ke aaye nahin. Intezaar nahin, ummeed nahin,  Na unse mohabbat Hai ab,  Khud se naraazgi hai, nafrat bhi,  Kyun na samajh sake hum tab,  Behte rahe Nadi ki tarah unke jahaan mein, Jo kehte woh maan lete thhe, Aankhein moond Kar hum.  Ab khuli Hain aankhein to tajjub karte Hain,  Is oas par unka naam likh Kar mitaate huye, Hum hum na rahe, waqt badal Gaya magar, Woh na badle, na badli fitrat unki,  Kitni milegi saza us ek faisle ki,  Ki kabhi in nigaahon ne unko chuna Tha, Duniya se jhagad Kar unhe apna banaya tha. Mohabbat jab apni hi nazar mein gunaah ban jaati Hai,  Ek pal mein hausalon ki tasveer toot jaati Hai,  Saans aati Hai magar, jeene ka ehsaas nahin hota,  Zindagi guzarti Hai magar, Waqt nahin guzarta. Medhavi
Read more

ghum 🌸

Kuch ghum ki parchaayi tum par bhi paddi Hum par bhi paddi Kuch dard ki chingaariyaan tumhe bhi jala gayin Humein bhi sulgaa gayin Kuch ashqon ki nami ne tumhe bhi bhigaaya Humein bhi sataaya Sab dil mein utarte jazbaaton ko chhoot-te tumne bhi dekha humne bhi dekha Sab bandhi ummeedon ko toot-te tumne bhi dekha Humne bhi dekha Bas fark itna raha Ki hamara saath na thha Koi aur hamare tha saath khadda Ek sa ghum Ek sa dard Ek sa dhokha Ek sa samjhauta Hum kar aaye khud se aur unse Aur phir hum tum miley bahut kismat se Waqt laga khwaabon ko ek sa karne mein Waqt laga sawaalon ko sulajhne mein Aur ek din humko phir pyaar ho gaya Ek aadhe adhoore shaqs se Tum se...humko pyaar ho gaya Ummeedein bandhti kaise Saari pehle se tooti thhi Neendein khwaabi hoti toh kaise Haqeeqat hi itni jhooti thhi Phir bhi aitbaar karne lage hum Tumse pyaar karne lage hum Shaam savere tujhse juddne lage Aadaton ke tevar badalne lage Neend ko bhi teri aadat si hone lagi Aur ek dor phir khwaab pirone lagi Hum t
Read more

neend 🌸

Neend Badda be - khauff hai dard yeh, Bin dastak aa jaaya karta hai, Ashqon ke libaas odh yeh, Din raat jagaaya karta hai... Aise mein jab Zara si khushi, Parchaayi mein bhi dhundhlaati hai, Ruk jaati hain saansein ab, Jab zindagi yeh muskuraati hai... Aadatein tanhaayiyon ki ab, kisi ke saath ki mohtaaj nahin, Jab aati hain liye koi vaada, toh dil kehta hai aaj nahin... khaamoshi ki lau mom se choo kar Zara si ladkhadaati hai, Jab koi haath pakadta hai toh saath chhootne ka darr badhaati hai, Guzra hua waqt jo ab tak beeta nahin, Usmein thamme huye toote vaadon ki yaad dilaati hai... Ab tum ho zindagi mein toh neend aane se ghabraati hai, Yeh haqeeqat badal Na jaaye kal iss darr mein raat bitaati hai, Neend aa jaaye toh phir khwaab dekhne se bhi ghabraati hai, Yeh khwaab Na toot jaaye iss darr mein kahan neend aati hai.... Medhavi
Read more