kuch
Kho diya hai khud ko
Tujhe dhundhte dhundhte
Tujhe dhundhte dhundhte
Bhatak gayi hun kuch main
Tera pata puchte puchte
Jal gaye khwaab mere
Tere khwaab poore karte karte
Tere khwaab poore karte karte
Kuch chhil gayi ungliyaan
Tera haath pakde pakde
Kuch chhil gaye talve
Tere saath chalte chalte
Saare bandhan khud se hi todd aaye tere sahaare
Tune bhi haath chhuddaa liya toh hum jaate kahan pe
Tune bhi haath chhuddaa liya toh hum jaate kahan pe
Kuch toot gaye hum kuch khwaabon ne jodd liya
Kuch choott gaye bhram peeche ki haqeeqat ne jhanjhodd diya
Kuch choott gaye bhram peeche ki haqeeqat ne jhanjhodd diya
Kuch mar gaye kuch jee gaye
Zeher jaan kar ishq pee gaye
Zeher jaan kar ishq pee gaye
Phir hans bhi diye khud par
Aur ro bhi liye akele...
Medhavi
05-12-2015
Comments
Post a Comment