Serendipity - Poetry, Articles and Life Stories

Woh Lohri ki raat kuch alag thi, Dil ki geeli lakdiyon par, Darr mein lipti, mohabbat ki sarhad thi, Zara aag thi kashmakash ki, Zara hawa thi asmanjas ki, Aur do jism thhe, pal pal pighalte huye, Puraane gaanon mein dhalte huye,  Ek khwaab ko sach karte huye,  Us Lohri ko sabse khaas Lohri banaate huye... Woh raat phir guzar gayi, Ummeed bandh kar bhi bikhar gayi, Khwaab jee liya par khwaab hi reh gaya, Aur woh musafir laut kar apne Ghar gaya... - Medhavi 11/04/23

Mera sheher tune loot liya kuch is tarah, Ki har jagah, har mausam mein teri yaad hai,  Har subha, har shaam mein teri hi baat hai... Tujhe bhool jaaun bhi main, par kis tarah, Mere zehen mein tere dhoke ki saugaat hai... Har din sochti hun, aaj aakhiri din chahungi tujhe, Har dua se pehle sochti hun, ki aaj na maangungi tujhe,  Par bhoolna itna aasaan kahan hota hai... Har din kuch aur toot kar aage badhti hun main,  Tu chhoot kar bhi chhoota nahin aisa lagta hai, Phir bhi har din tujhe phir se choddti hun main.  Medhavi  09/04/23 . . . . #SadShayari #Poetry #Shayari #PoetsofInstagram #WritingCommunity #Poets #poetrycommunity